VMRO-DPMNE i kthehet bllokadave në Kuvend

Përderisa zyrtarisht heshtin, né formë jozyrtare nga VMRO-DPMNE thonë se nuk kanë sjellë vendim se si do të veprojnë gjatë punës së mëtejme të Kuvendit.
“Ideja është që të dërgojmë porosi se nuk është në rregull arrestimi i deputetëve”, kështu thonë jozyrtarisht nga grupi parlamentar i VMRO-DPMNE-së. Burimi partiak më tej shton se “Shumica nga deputetët e VMRO-së nuk janë për dalje nga Kuvendi as për të dhënë dorëheqje, për shkak se vlerësojmë se në këtë mënyrë i ndihmojmë LSDM-së”.

Siç thotë burimi partiak i opozitës maqedonase, ata do të zbatojnë metoda të ndryshme që ta tregojmë revoltën e tyre dhe në këtë mënyre do i zvarrisin diskutimet edhe në Komisione edhe në seanca plenare, duke shfrytëzuar mundësitë që ua jep Rregullorja, siç janë amendamentet ose caktimi dhe anulimi i seancave të komisioneve të cilat i udhëheqin deputetët e VMRO-së.