ВМРО-ДПМНЕ демантира дека се прифатени дел од нивните забелешки за законот за обвинителството

Во врска со изјавата на премиерот Зоран Заев дека наводно се прифатени дел од забелешките на ВМРО-ДПМНЕ во однос на преговорите за законските нормативи од областа на обвинителството реагира ВМРО-ДПМНЕ.

„Или господинот Заев го нема прочитано новиот предлог кој министерката за правда, Десковска го достави до претставникот на ВМРО-ДПМНЕ или пак Заев продолжува свесно да не ја говори вистината во јавноста и фингира дека наводно власта е кооперативна. Второ, неприфатлива е реториката на власта и принципот земи или остави кои не одат во интерес на процесот. И трето, власта може на вештачки начин да оформи двотретинско мнозинство како што и практично покажа во изминатиов период но тоа нема да донесе квалитет на реформите ниту пак ќе им даде легитимитет без договор со ВМРО-ДПМНЕ. Евентуално такво водење на процесот подразбира покажување на мускули во политиката и никако не може да биде реформа туку алатка за пресметка на Заев со политичките неистомисленици“, се вели во соопштението на ВМРО-ДПМНЕ.