Властите се збунети од дупката длабока 200 метри во Чиле

Чилеанските власти истражуваат дупка со дијаметар од околу 25 метри што се појави во текот на викендот во рударска област.

Чилеанските медиуми прикажаа воздушни снимки од дупката на земјиштето каде рудник има канадска компанија „Лундин мајнинг“, на околу 665 километри северно од главниот град Сантијаго.

Националната служба за геологија и рударство, Сернагеомин, во саботата дознала за дупката и испратила специјалистички персонал во областа, изјави директорот на агенцијата Давид Монтенегро.

„Има значително растојание, приближно 200 метри до дното“, рече Монтенегро. „Не откривме никаков материјал таму долу, но видовме присуство на многу вода“.

Сернагеомин извести за затворање на области од влезот до работното место на рудникот Алкапароса, лоциран во близина на дупката.

Во изјавата во понеделникот попладне, Ландин Манинг рече дека дупката не влијаела на ниту еден работник или член на заедницата и дека „останала стабилна“ откако првпат била откриена. „По откривање, областа веднаш беше изолирана и за тоа беа известени соодветните регулаторни органи. Немаше никакво влијание врз персоналот, опремата или инфраструктурата“, се вели во соопштението.

„Ландин мининг“ соопшти дека во тек е техничка анализа за да се утврди причината за настанот. „Најблискиот дом е на повеќе од 600 метри (1.969 стапки) оддалечен, додека која било населена област или јавна услуга се речиси еден километар оддалечена од погодената зона“.