Властите на Република Српска разочарани од пресудата за Младиќ – Хаг е антисрпски суд

Претседателката на Република Српска, Жељка Цвијановиќ, премиерот, Радован Висковиќ и претседателот на парламентот, Недељко Чубриловиќ остро ја критикуваа конечната пресуда на Хашкиот трибунал против поранешниот генерал на армијата на РС, Ратко Младиќ, кој го осуди на доживотен затвор за геноцид и злосторства против човештвото против несрбите за време на војната во БиХ.

Претседателот Цвијановиќ за агенцијата Срна изјави дека Хашкиот трибунал, со својата второстепена пресуда за Младиќ уште еднаш ја потврдил улогата на антисрпскиот суд, кој не утврдува одговорност за воени злосторства според доказите, туку според националноста на обвинетите.

„Да беше спротивното, денешната пресуда немаше да ја следат некои од најславните хашки обвинети, како Насер Ориќ, Рамуш Харадинај, Анте Готовина, како и бројни други од чии зони на одговорност Србите исчезнаа засекогаш“, посочи Цвијановиќ.

Таа нагласува дека Хашкиот трибунал затоа ќе остане запаметен како „синоним за неправда и политички суд, чија задача не е да придонесува за помирување, како што тврдат лицемерно, туку да ја измие совеста на оние кои повеќепати испорачуваа крстосувачки ракети врз а српскиот народ во 90-тите години и осиромашен ураниум“.

Премиерот на РС, Радован Висковиќ, изјави дека пресудата против Младиќ ќе беше ослободителна ако имало закон и правда.

„Очигледно, тука нема право и правда, и кој знае колку пати тоа го потврди нашето претходно искуство со Хашкиот трибунал и бројот на изречени пресуди во однос на другите, така што секој коментар е излишен“, истакна Висковиќ.

Тој изјави дека секогаш е за тоа да одговараат сите што сториле некое кривично дело, но злосторствата не се правени само од едната страна, туку ги имало од едната, од другата и од третата страна.