Владина делегација на сесија на Комитетот за светско наследство на УНЕСКО

01/07/2019 10:37
Делегација на Владата на Република Северна Македонија учествува на 43-тата сесија на Комитетот за светско наследство на УНЕСКО во Баку, Азербејџан, на која ќе се дискутира за состојбата со природното и културното наследство во Охридскиот Регион. Делегацијата ја предводи министерот без ресор Едмонд Адеми, а во неа се и заменик-министерот за надворешни работи Андреј Жерновски и градоначалникот на Охрид Константин Георгиевски.

Како што соопшти владината прес-служба, за време на сесијата на Комитетот,  делегацијата ќе оствари средби со високи претставници на Центарот за светско наследство на УНЕСКО, со делегациите на земјите членки меѓу кои Кина, Бразил, Босна и Херцеговина, како и со претседавачот на Комитетот – Абулфас Гарајев, министер за култура на Азербејџан.

Македонската делегација ќе оствари средби и со колеги од Република Албанија, во насока на заедничко делување и управување со Охридското Езеро и неговотo опкружување.

– За време на 43-тата сесија на Комитетот за светско наследство на УНЕСКО, Владата на Република Северна Македонија ќе го нагласи и афирмира ставот дека e комплетно посветенa на зачувување на статусот на Светско културно наследство на Охридскиот Регион, кој не ѝ припаѓа само на Северна Македонија, туку на целиот свет, соопшти владината прес-служба

Поврзани содржини

Поскапе осигурувањето на возилата при регистрација
Прослава на животот на Горан Стефановски во Дебар Маало
Најстудено во Лазарополе, најтопло во Дојран
Без струја дел од скопските општини Петровец, Ѓорче Петров и Сарај
Утрото постудено, преку денот сончево со умерена облачност
Астрономски календар
Парк на пчелата ќе биде изграден во кругот на Факултетот за земјоделски науки и храна во Скопје
Прес-конференција на Државната изборна комисија (во живо)

Најчитани