Владата во Шпанија сака последен пат да обезбеди продолжување на вонредната состојба

Педро Санчез

Шпанскиот премиер Педро Санчез изјави денеска дека ќе побара од Парламентот уште едно, но последно двонеделно продолжување на вонредната состојба воведена поради пандемијата.

Вонредната состојба треба да истече на 7 јуни, а Владата ќе побара продолжување во наредните денови, иако едвај го обезбеди во Собранието во последните два наврати.

Таквата состојба и овозможи на Владата да воведе забрани и ограничувања со цел да го сузбие ширењето на новиот корона вирус, што резултираше со смрт на 27.000 луѓе во Шпанија.

Но, сега „речиси стигнавмедо безбедно пристаниште“, рече премиерот метафорично за состојбата со епидемијата во Шпанија.

Забраните и ограничувањата селективно се попуштаат по региони, во зависност од тоа колкумина се заразени и колку региони се подготвени за можен втор бран на заразата.