(Видео)Братот на Џорџ Флојд разговарал и со Трамп и со Бајден


Филонис Флојд, братот на од полицијата убиениот афроамериканец Џорџ Флојд, причина која што предизвика масовни протести и немири низ Америка, изјави дека разговарал како со претседателот Доналд Трамп, така и со претседателскиот кандидат Џо Бајден, но дека разговорот со Трамп бил „многу брз“.

-Тој не ми даде можност ниту да зборувам, беше тешко. Се обидов да разговарам но тој постојано, некако ме одбиваше, како „не сакам да чујам што сакаш да кажеш“, изјави Флојд синоќа за Ем-ес-ен-би-си

Тој додаде дека од претседателот побарал правда, „му реков дека не можам да верувам дека тие извршија модерно линчување среде бел ден“.

Флојд укажа дека во разговорот со Џо Бајден, побарал демократскиот претседателски кандидат да ја изнесе правдата за неговиот брат.

Претседателот Трамп вчера вo Белата куќа изрази длабоко жалење за смртта на Џорџ Флојд.

 -Зборував со членови на неговото семејство, одлични луѓе, изјави Трамп, но не одговори на повикот да открие детали од разговорот со братот на Флојд.