(Видео) Суперкомпјутер идентификувал 77 супстанци кои можат да го сопрат корона вирусот

Новиот вирус корона постави досега невиден предизвик за научниците, а брзината со која се шири диктира дека и тие ги забрзуваат нивните обиди за развој на вакцината против Ковид-19. И токму за вакви и слични работи е направен најбрзиот суперкомпјутер во светот, пренесува Си-Ен-Ен.

„Самит“, суперкомпјутерот на IBM опремен со вештачка интелигенција (AI), спровел илјадници симулации за да анализира кои компоненти на лекови можат ефикасно да спречат вирус од инфекции на човечки клетки. Тој идентификувал 77 такви супстанции, што е ветувачки чекор кон создавање на најефикасна вакцина, во време кога многу држави се натпреваруваат за да развијат третман против новиот корона вирус.

Истражувачите од Националната лабораторија Оук Риџ во Тенеси, каде се наоѓа овој суперкомпјутер, ги објавија своите откритија во ChemRxiv. „Самит“ беше нарачан од Министерството за енергетика на САД уште во 2014 година со цел за она што се случува сега – решавање на светските проблеми. Има моќ од 200 петафлопи, што значи дека брои со брзина од 200 милијарди (американски квадрилон) во секунда, односно дека е милион пати помоќен од најбрзиот лаптоп.

„Самит“ досега идентификувал шеми во клеточните системи кои претходат на Алцхајмеровата болест, анализираше гените кои придонесуваат за одлики како што е зависноста од опиати и предвидуваше екстремни временски промени врз основа на симулации на климата, според Си-Ен-Ен.
Новиот вирус ги инфицира клетките со помош на своите „шила“ и задача на „Самит“ е да пронајдете супстанции што можат да се врзат за тие „шила“ и потенцијално да го запрат ширењето на инфекцијата. Истражувачот на лабораториите на „Оук Риџ“, Николас Смит, направил модел за вирус коронален шил, врз основа на студија објавена во јануари. Со помош на суперкомпјутерот, тој симулирал како атомите и честичките на вирусниот „шилест“ протеин С ќе реагираат на различни супстанции.

Суперкомпјутерот спровел симулации од над 8000 соединенија кои би можеле да се врзуваат за вирусниот протеин, што би ја ограничило неговата можност за ширење на клетките. Суперкомпјтерот идентификуваше 77 од овие соединенија и ги рангирал врз основа на веројатноста за нивно врзување.

Сега научниот тим повторно ќе прави симулации овој пат користејќи поточен модел на шила на вирусот корона.Суперкомпјутерот им го обезбеди на научниците првиот чекор во анализата, а тоа е да ги идентификуваат потребните супстанции. Понатамошното експериментално истражување ќе покаже кои соединенија најдобро функционираат.

– Нашите резултати не значат дека откривме лек или третман на вирусот на корона“, рече Џереми Смит, директор на Лабораторискиот центар за молекуларна биофизика.
Нивните резултати ќе послужат за идно истражување, кое е неопходно за создавање на најефикасна вакцина.

„Само тогаш ќе знаеме дали некое од овие соединенија ги покажува карактеристиките потребни за ограничување на вирусот“, додаде Смит.