(ВИДЕО) Славија со бод се враќа од гостувањето кај Интер, Зенит преживеа кај Лион

Изненадувачки резултат ја отвори групата Ф од фудбалската Лига на шампиони, откако вечерва во Милано, Славија Прага ремизираше 1-1 против Интер.

Во вториот меч од оваа група, во 21 часот играат Борусија Дортмунд и Барселона, кои сега после киксот на Интер, стануваат фаворити за пласман во следната фаза. Голот за чешкиот тим беше дело на Нигериецот Питер Олајинка, а изедначи Николо Барела во 92 минута.

Во терминот од 18.55 часот, Лион и Зенит одиграа 1-1. Францускиот тим имаше апсолутна иницијатива на мечот, создадоа еден куп шанси, но не успеаја да ги искористат и на крајот мораа да се задоволат со бод против рускиот тим.

Остантите двојки од вечерашната програма од првото коло се: Ајакс – Лил, Бенфика – Лајпциг, Челзи – Валенсија, Наполи – Ливерпул и Салцбург – Генк.  

Утре на програмата се уште осум натпревари, а дерби дуели се Атлетико Мадрид – Јувентус и ПСЖ – Реал Мадрид.