(Видео) Расправија и тепачка во италијанскиот парламент, пратеник изнесоа на количка

Пратеник од опозицијата вчера мораше да биде избркан од италијанскиот парламент по расправија и тепачка за време на дебатата за поголема регионална автономија.

Леонардо Доно од популистичкото Движење пет ѕвезди беше турнат и соборен на подот од други пратеници во хаотични сцени во Долниот дом на парламентот, објавија италијанските медиуми.

Дебатата беше за законот за таканаречена диференцирана автономија на регионите предложен од десничарската влада на премиерката Џорџија Мелони. Законот им дава на регионите поголеми овластувања, на што опозицијата се противи.

Siamo arrivati alle violenze dai banchi della maggioranza Meloni. Hanno aggredito il nostro Leonardo Donno perché ha portato il tricolore al Ministro Calderoli, perché diciamo no alla secessione dell'Italia firmata Meloni, Salvini e Tajani. È uscito in barella dalla Camera dei… pic.twitter.com/4OkYB9gP8D

— Giuseppe Conte (@GiuseppeConteIT) June 12, 2024

Кога пред еден месец се расправаше во сенатот, дојде до вербални пресметки меѓу претставниците. Но, сега опозициските парламентарци од Претставничкиот дом вееја италијански знамиња и ја пееја националната химна.

Се туркаа
Кога Доно се обиде да му го даде знамето на министерот за регионална администрација, неколку пратеници се упатија кон него и почнаа туркање, покажуваат видеата.

Остана нејасно дали Доно сам паднал или од ударите, а претседателот на домот ја прекинал седницата и најавил дека кога ќе ја прегледа снимката ќе одлучи за евентуалните мерки.

Говорејќи за телевизијата Ла7, Доно рече дека е во болница и чека да биде прегледан од лекарите откако „бил донесен со многу удари“.

„Не можам да верувам дека такво нешто се случи во Претставничкиот дом. Сè уште не верувам“, рече Доно.