(Видео) Путин ненадејно пристигна во Украина, ја посети воената команда во Херсон
Рускиот претседател Владимир Путин ненадејно пристигна во Украина и присуствуваше на состанокот на воената команда во регионот Херсон, кој е делумно окупиран од Русија, соопшти Кремљ.
Путин ги слушаше извештаите на командантите на Воздухопловните сили и армиската група „Днепар“, како и други високи офицери кои го информираа за ситуацијата во регионите Херсон и Запорожје, кои Москва ги прогласи за дел од Русија.
Руската новинска агенција Риа објави видео од патувањето на Путин во Украина, при што тој го посети и седиштето на руската национална гарда во областа Луганск.
Путин прибыл в штаб войск "Днепр" на вертолетеhttps://t.co/Uw2CXnjLe3 pic.twitter.com/n7U4BrQqpG
— РИА Новости (@rianru) April 18, 2023
На видеото се гледа како тој пристигнува со хеликоптер, пред да присуствува на состанок со воени претставници.
Путин, исто така, им го честиташе Велигден на војниците и им подари копија од иконата што му припаѓаше на „еден од најуспешните министри за одбрана на Руската империја“.
Херсон и Луганск беа меѓу четирите региони анектирани од Русија минатата година, потег што Западот не го призна.
Руските трупи се повлекоа од Херсон, регионалниот главен град, минатата година и ги зајакнаа своите позиции на спротивниот брег на реката Днепар во очекување на украинска контраофанзива.