(Видео) Планинар открил дека највисокиот водопад во Кина се напојува со вода од цевка
Највисокиот водопад на планината Јунтаи ја добива водата од цевка вградена во карпите, покажа контроверзното видео снимено од еден планинар и објавено на социјалните мрежи, јавува Би-би-си.
Видеото собра повеќе од 70.000 лајкови откако првично беше објавено во понеделникот.
„Изворот на водопадите Јунтаи се само неколку цевки“
Менаџерите на туристичкиот парк Јунтаи објавија дека додале „мало подобрување“ за време на сушната сезона за да го направат патувањето до водопадите вредно за посетителите.
„За тоа како ги издржав сите тешкотии на патот до изворот на водопадите Јунтаи само за да ја видам цевката“, стои во описот на видеото објавено од корисникот „Фарисвов“. Темата „изворот на водопадите Јунтаи се само некои цевки“ брзо се прошири на социјалните мрежи.
NEW: Chinese officials are forced to apologize after a hiker discovers a secret water pipe feeding China’s tallest waterfall
Millions of tourists visit the 1,024-foot-tall Yuntai Mountain Waterfall annually, attracted by its ancient geological formations over a billion years old… pic.twitter.com/mw3u9NK1xN
— Unlimited L's (@unlimited_ls) June 6, 2024
Видеата на оваа тема се прегледани повеќе од 14 милиони пати на социјалната мрежа Weibo и речиси 10 милиони пати на платформата Douyin, што предизвика толкава врева што претставници на локалната власт беа испратени во паркот за да го истражат случајот.
Водопадот е висок 312 метри
На менаџерите им било кажано да учат од овој инцидент и однапред да ги информираат туристите за доплатата, според државната телевизија CCTV.
Yuntai Waterfall, a major tourist attraction in #China's Yuntai Mountain Park was exposed as FAKE after hiker finds water pumping pipes. pic.twitter.com/elRmRKVXSi
— 𝗡 𝗢 𝗜 𝗦 𝗘 ⚡ A L E R T S (@NoiseAlerts) June 7, 2024
„Како сезонска атракција, не можам да гарантирам дека ќе бидам најдобро што можам секогаш кога ќе дојдете да ме видите“, напиша паркот во име на водопадот. „Направив мало подобрување за во сушнп време да изгледам најдобро кога се среќавам со моите пријатели“, додаваат тие.
Водопадот во централната провинција Хенан е висок 312 метри и е дел од планинскиот геопарк Јунтаи. Таму секоја година патуваат милиони посетители, привлечени од геолошки формации стари повеќе од милијарда години.
Ова не е првпат да се прави вештачки обид да се „помогне“ на познатите водопади во Кина
Вработените во паркот за CCTV изјавија дека водата што ја користеле за водопадот е изворска вода, додавајќи дека тоа нема да му наштети на природниот пејсаж.
Ова не е првпат да се прави вештачки обид да се „помогне“ на познатите водопади во Кина. На водопадот Хуанггуошу, популарна туристичка дестинација во југозападната провинција Гуижоу, му се помага со пренасочување на водата од блиската брана од 2006 година за да се одржи протокот за време на сушната сезона.