(Видео) Огромен црн облак го прекри Истанбул, денот се претвори во ноќ
Огромен црн облак го прекри Истанбул пред неколку дена и денот го претвори во ноќ, пишува Newsweek.
Снимките на социјалните мрежи покажуваат како Истанбул изгледал како темна ноќ среде бел ден.
„Облак со дебелина од 7 километри помина над Истанбул. Во меѓувреме, сонцето исчезна на 5 минути, а денот се претвори во ноќ. Некои коментираа дека доаѓа апокалипсата“, објави турскиот метеоролошки форум Хава Форум на Твитер, споделувајќи го видеото.
Потоа почна силен дожд. Веб-страницата за технолошки вести TechnoPixel сугерира дека овој густ облак може да биде особено голем и темен облак – кумулонимбус.
Познати и како облаци со грмотевици, тие често имаат многу темна, ниска основа, достигнувајќи само неколку десетици метри над земјата, објасни Метеоролошката канцеларија на Обединетото Кралство, пренесува Newsweek.
Кумулонимбусните облаци се единствените облаци кои произведуваат град, грмежи и молњи, а исто така доведуваат до обилни дождови.
İstanbul'un üzerinden 7 kilometre kalınlığında bir bulut geçti. Bu esnada 5 dakikada güneş yok oldu, gündüz geceye döndü. Bazı insanlar kıyamet yorumu yaptı. İşte o anlar… 👀 pic.twitter.com/BmJlbSMX5U
— Hava Forum (@HavaForum) April 18, 2023