(Видео) „Hayya Hayya“ е официјална песна на Светското првенство во Катар

Вечерва во Доха ќе се одржи ждрепката за групите за Светското првенство во Катар. Извлекувањето на групите започнува во 18 часот и набргу потоа ќе ги дознаеме кој со кого ќе се соочи на ова престижно спортско натпреварување, на кое македонската фудбалска репрезентација беше на чекор до историскиот пласман. 

Правило е дека во една група не смеат да бидат повеќе од две европски селекции, а што се однесува до другите континенти, во иста група не можат да завршат две селекции од Азија, Африка, Јужна Америка или Северна и Централна Америка.

На денот на извлекувањето на групите за Светското првенство објавена е официјалната песна на ова натпреварување.

Името на песната на арапски е „Hayya Hayya“, што во слободен превод на хрватски би значело „подобро заедно“ или „заедно посилни“.

Изведувачи на песната се Тринидад Кардона, Давидо и Ајша, кои се потпираат на ар-ен-би и реге ритам, а тие ќе имаат централна улога на вечерашната ждрепка.

Катар ќе биде домаќин на Светското првенство од 21 ноември до 18 декември годинава.