(Видео) Голем пожар во Словенија, започнала евакуацијата на населението
Повеќе од 300 словенечки пожарникари се борат со новиот пожар кој во средата на подрачјето на Крас се пренел од Италија и во тек е евакуација на населението од неколку села, а на терен дошле и министерот за одбрана Маран Шарец и командантот на цивилната заштита Среќко Шестан, јавуваат словенечките медиуми.
Пожарот од италијанска страна се проширил во Словенија и покрај обидите за гасење од воздух во кое учествуваат три словенечки и два италијански хеликоптери. Загрозени се жителите од селата околу Крас, каде се спроведува евакуација на населението, објавил денеска регионалниот стожер за цивилна заштита на покраината Приморска.
Minister @sarecmarjan: Aktiviral sem še več @Slovenskavojska – Logistična brigada in vojaške cisterne bodo dovažale vodo, Vojaška zdravstvena enota je v pripravljenosti za oskrbo opeklin, SV bo poskrbela tudi za hrano za enote na terenu. Na poti je tudi vodni top @policija_si.
— Ministrstvo za obrambo RS (@MO_RS) July 20, 2022
Најтешка е ситуацијата во општината Добердоб, која лежи на словенечко-италијанската граница, јавуваат медиумите.
„Сега е клучно да се спасат населбите. Една населба е веќе евакуирана. Силниот ветар брзо го шири пожарот. Војската и полицијата гасат од воздух, а гаснењето го отежнува чадот. Активирани се дополнителни единици од цела Словенија“, стои во изјавата на министерот за одбрана Маријан Шарец на Твитер.
Stay safe 🙏 #Slovenia #fire 🔥 #Europe https://t.co/uMpdrNymyr
— Nika 🐧 (@nikagajst95) July 20, 2022