(Видео) Французи со „Пежо 205“ ќе донесат училишна опрема во Крива Паланка

Амбасадата на Франција најави одржување на еден исклучителен настан во Крива Паланка овој четврток, на 8 август, каде што ќе пристигнат околу 800 Французи коишто учествуваат на 6-то издание на „Еуроп-Раид“, првото авантуристичко патување низ Европа. Тие одбраа попатно да застанат во Крива Паланка, место познато по своите активности во областа на Франкофонијата во Северна Македонија.

260 екипажи, секој патник во возило „Пежо 205“, тргнаа од Париз на 27 јули, во духот на меѓународната солидарност, носејќи со себе 17 тони училишна опрема која ја донираат на училишта од Босна и Херцеговина до Бугарија, преку Албанија и Северна Македонија. Поминувајќи 10.000 километри за 22 дена, секоја екипа има мисија да понесе најмалку 100 кг. училишна или спортска опрема: училишни торби, тетратки, листови, моливи, топки, играчки… Europ’raid сака да им помогне на многу деца кои немаат пристап до училиште или живеат во неповолни услови.

Во рамките на оваа активност, амбасадорот ќе оствари средба со градоначалникот на Крива Паланка, Борјанчо Мицевски, со кого ќе разговара за зајакнување на децентрализираната соработка, особено преку овој важен проект на француската солидарност преточен во туристичка активност, како и за развојни проекти на општината (гасификација, зимско спортско одморалиште, органско земјоделство). Во Крива Паланка Франкофонијата и културното наследство, како и потенцијалот на помладите генерации придонесуваат за просперитетна иднина на овој регион.

Сите заинтересирани медиуми ги покануваме да дојдат и да известат за овој настан во четврток, на 8 август од 15:45 часот во ОУ „Јоаким Крчовски“, ул. „Св. Јоаким Осоговски“ 139 во Крива Паланка.

Teaser Europ'Raid 2019

Découvrez le teaser officiel de l'édition 2019 !

Posted by Europ'Raid on Петок, 15 март 2019