(Видео) Експлозии во фабрика за оружје во Чачак

Неколку серии силни експлозии синоќа околу 1.30 часот ги разбудија жителите на Чачак во Србија. Експлодира магацин за топовски гранати во Придворица, јавува Б92.

Новинарите сведочат дека делува оти експлозиите и пожарот полека стивнуваат и се чека ситуацијата да се смири за да може екипите на итната помош, полицијата и пожарникарите да влезат внатре.

Kuku 😨 https://t.co/ZWTzz3qNd6

— ❄️Kosmo Veronika❄️ (@rimosat) June 4, 2021

Во експлозиите нема повредени, ниту жртви, а безбедно се евакуирани работниците од третата смена во фабриката „Слобода“

Една работничка сведочи дека во моментот на експлозија била во фабриката, заедно со своите колеги.

„Со уште седум колеги работевме во погонот на режење кога се случи експлозијата. Успеавме да се извлечеме и да дојдеме до една зграда и да влеземе во подрумот од бетон. Таа зграда нема прозорци и буквално е вкопана во земја. И понатаму сме во подрумот. Се слушаат детонации. Се се тресе. Страшно е “, сведочеше таа ноќеска.

Додаде дека директорот ги повикал и рекол дека ќе бидат евакуирани штом се створат услови за тоа.

Мештаните сведочат дека морале да побегнат од дома.

Од експлозијата испукани се стакла на околните куќи.

Луѓето бегале, а се створила колона автомобили.

Еден час по првата експлозија се уште се слушале детонации, а летале шрапнели на сите страни.

Trenutno 5:20h.Požar iz pravca namenske Sloboda-Čačak. Policija, vatrogasci… Dim i smrad po Parmencu, Riđagama… 😷 pic.twitter.com/O4ipOExlT6

— Bubašinter (@SinterBuba) June 4, 2021

Утрово се слушаат изолирани детонации, а според правилата за безбедност, спасувачките екипи смеат да влезат во зградата 24 часа по последната детонација. Не се знае причината за експлозиите и пожарот.