Верстапен се избори за пол-позицијата за Големата награда на Франција
Возачот на Ред Бул, Макс Верстапен беше најбрз на денешните квалификациите за Големата награда на Франција. Холанѓанецот на патеката „Пол Рикар“ во близина на Марсеј, оствари време 1:29.990 минути.
Втор беше Британецот Луис Хамилтон од Мерцедес, додека неговиот клупски колега Валтери Ботас извози трет најбрз круг.
Од четвртото до десеттото место ќе стартуваат: Серхио Перез (Ред Бул), Карлос Сајнц (Ферари), Пјер Гасли (Алфа Таури), Шарл Леклер (Ферари), Ландо Норис (Мекларен), Фернандо Алонсо (Алпин) и Даниеле Рикардо (Мекларен).
За време на квалификациите се случија две несреќи. Пилотот на Алфа Таури, Јуки Цунода, ја напушти трката, а тркачот од Хаас, Мик Шумахер, го скрши неговиот болид.
Главната трка за француското Гран при од Формула 1 шампионатот ќе се одржи утре со почеток во 15 часот.