Велигденскиот концерт на Бочели го сруши рекордот на Јутјуб

Италија- Велигденскиот концерт на италијанскиот тенор Андреа Бочели емитувана во живо во неделата исклучиво преку Јутјуб од Катедралата Дуомо во Милано, влезе во книгата на рекорди како пренос од класична музика во живо со најмногу прегледи во историјата на Јутјуб.

„Музика за надеж – во живо од Дуомо во Милано“ на Бочели достигна над 28 милиони прегледи, според Јутјуб. Тоа исто така го прави како една од најголемите музички изведби во живо на сите времиња. (ЈуТјуб вели дека првиот викенд во 2019 година Коачела бил неговиот најголем музички пренос во живо досега со околу 82,9 милиони прегледи во живо, но во текот на три дена и беа претставени повеќе уметници.)

25-минутното видео на Бочели генерираше повеќе од 28 милиони прегледи низ целиот свет во првите 24 часа, а заклучно со вторникот претпладне достигна 35 милиони прегледи.

Покрај тоа, во текот на изминатите 48 часа, велигденскиот настап на Бочели беше број 1 на Јутјуб во повеќе земји, вклучувајќи ги САД, Велика Британија, Италија, Канада, Шпанија и низ цела Латинска Америка, вклучувајќи ги Мексико, Бразил, Аргентина, Боливија, Чиле и Колумбија.

Слепиот тенор Бочели придружуван само со органистот Емануел Вианели отпеа внимателно избран репертоар вклучувајќи ја саканата композиција на Бах / Гуно „Аве Марија“ и „Панис Ангеликус“ на Франк. Бочели го заврши настапот со препевот на „Неверојатна милост“.

Учеството на Бочели беше целосно про-боно.

Фондацијата Андреа Бочели (АБФ) започна со прибирање средства за да им помогне на болниците да купат материјали за да го заштитат својот медицински персонал од коронавирусот.

Најгледан  настан во живо во историјата на Јутјуб останува скокот во вселената во 2012 година од скијачот Феликс Баумгартнер, кој повеќе од 8 милиони луѓе го следеа во живо .