Вардар се врати од минус два против Шкендија

Вардар и Шкендија одиграа одличен меч во првиот дел од осминафиналната пресметка во Купот на Македонија. Актуелниот шампион водеше со 2-0 на полувреме, но на крајот мораше да биде и среќен што мечот заврши без победник, бидејќи малку недостигаше вардарци да направат комплетен пресврт.

Лидерот на првенствената табела, Вардар капитулираше уште во 8. минута, кога погоди Имери. Најтрофејниот македонски тим потоа ја презе иницијативата во своите нозе, имаше неколку изгледни прилики за гол, но не успеа да реализира. Блескаше гостинскиот голман Реџепи.

Работите станаа покомплицирани за тетовските „црвено-црни“ откако Мици заработи директен црвен картон поради груб старт во 33. минута. Кога се очекуваше дека домаќинот ќе притисне за да израмни, Ибраими постигна еврогол пред крајот на првото полувреме.

Во вториот дел, домаќинот доминираше и успеа да израмни со головите на Колевски во 71. минута и на Жунињо. Во последната минута, поцрвене и вардарецот Мицевски.

Вардар имаше пет победи во низа во домашниот шампионат, но тоа не беше доволно да се победи Шкендија, која се труди да се врати во ритам по катастрофалниот влез во сезоната и срамната елиминација во Европа од Калју и од Дуделанж. Интересно, во куп-натпреварите, двата најдобри домашни тима се сретнале вкупно пет пати, а скопјани минале само еднаш.

Во досегашните 27 изданија на фудбалскиот Куп на Македонија, Вардар бил победник пет пати, но последен пат дури во 2007 година. Шкендија двапати се радуваше на пехарот од Купот, последен пат во 2018 година.

Бранителот на титулата, Академија Пандев беше убедлив против Осогово (3-0).

Во другите мечеви: Брегалница – Македонија Ѓорче Петров 1:0, Шкупи – Силекс 0:0, Пелистер – Работнички 1:1, Тиквеш – Ренова 0-2, Лабуништа – Охрид 2:0 и Борец – Струга 0-0.

Реваншите се предвидени за 30 октомври во 13.30 часот.