Вардар по втора европска титула, Веспрем во четври обид за прв трофеј

Ракометарите на Вардар утре ќе го играат своето второ финале во Лигата на шампионите. Пред две години „црвено-црните“ во борбата за трофејот го победија Пари Сен-Жермен.

Противникот на македонскиот состав, унгарскиот претставник Веспрем ќе се обиде по четврти пат да се искачи на европскиот ракометен трон. Во претходните три обиди тоа не им успеа. Беа поразени од Магдебург во 2002 година, од Барселона во 2015 и од Киелце во 2016 година.

Завршниот меч од ракометната Лига на шампиони за сезоната 2018/19 меѓу Вардар и Веспрем ќе се игра утре во Келн со почеток во 18 часот.