„Валентино“ со специјален дуксер повикува на вакцинација

Италија– Луксузната модна куќа „Валентино“ претстави специјален дизајн на дуксер со кој повикува на вакцинација, со нивното лого – буквата „V“ и натпис „вакцинирани“ со црвени букви. Ова парче облека чини 690 долари, а средствата од продажбата ќе бидат наменети за УНИЦЕФ.

Идејата потекна од социјалните мрежи, а меѓу првите поддржувачи на оваа иницијатива беа дизајнерот Пјерпаоло Пичиоли, стилистката Зерина Акерс, Емануела Фарнети, поранешна уредничка на италијанскиот „Вог“, пејачката Лејди Гага и други.

Средствата ќе ја поткрепат и програмата „Ковакс“ на Светската здравствена организација, чија цел е да достави вакцини во земји каде што тие сѐ уште не се широко достапни.