Ужасна трагедија: Падна покрив на училиште, загинаа 22 деца и наставник, многумина сѐ уште под урнатините
Голема трагедија го потресе Пакистан откако се урна покривот на приватно училиште. Десетици ученици се повредени, некои се борат за живот, додека спасувачките екипи се обидуваат да стигнат до децата заробени под урнатините.
Ужасна трагедија се случи во Пакистан, каде што се урна покривот на приватно училиште, при што загинаа најмалку 22 лица. Повеќе од 35 ученици се повредени, а се стравува дека бројот на жртви може да се зголеми бидејќи некои деца се уште се заробени под урнатините.
🚨22 Children were killed & more than forty were injured when the roof of a private school collapsed in the #Dir_Colony area of #Peshawar ▪️#Pakistan Army personnel are working alongside other rescue & relief agencies in a joint operation to rescue those trapped beneath the rubble. ▪️Rescue efforts are underway at a rapid pace to recover children and school staff trapped under the debris. ▪️Pakistan Army personnel and other rescue teams are pulling children and school staff from the rubble and shifting them to hospitals for medical treatment. https://t.co/oW3U24oBad
— ⚡️🌎 Sarwar 🌐⚡️ (@ferozwala) October 15, 2026
Несреќата се случила во градот Пешавар, каде што се урна покривот на зграда додека учениците биле во приватно училиште. Според досегашните информации, најмалку 21 дете и нивниот наставник загинале, додека повеќе од 35 ученици се повредени.
Спасувачките екипи веднаш биле испратени на местото на трагедијата и се обидуваат да стигнат до децата заробени под урнатините на зградата.
Билал Фаизи, портпарол на службите за итни случаи, потврди дека неколку ученици се уште се заробени под урнатините и дека спасувачките операции се во тек.
Некои од повредените се во критична состојба
Повредените ученици се однесени во болницата „Лејди Ридинг“, каде што портпаролот Мохамад Асим изјави дека некои од нив се во критична состојба, објави „Скај њуз“.
Според достапните информации, се верува дека сите деца што починале биле помлади од 13 години.
Причината за уривањето на покривот сè уште не е позната, а околностите на оваа сериозна несреќа сè уште не се утврдени.