Ужасите на Буча (галерија)
Фотографиите од градот Буча кај Киев, откако руските сили беа приморани да ја напуштат, ја покажуваат разурнувачката моќ на војната и варварствата што ги носи
Украинскиот претседател Володимир Зеленски денеска го посети градот Буча во близина на Киев, додека продолжуваат да се појавуваат повеќе докази за злосторствата направени од руските инвазиски сили.
Тој го разгледа патот на кој руска колона била нападната од заседа и разговараше со локалните жители. Тој повтори дека Русија извршила воени злосторства и геноцид во Украина.
Запрашан од Би-Би-Си дали сè уште е можно да се разговара за мир со Русија, тој рече: „Да, бидејќи Украина мора да има мир. Ние сме во Европа во 21. век. Ќе продолжиме со напорите, дипломатски и воени“.
Фотографиите што светските агенции ги објавуваат од улиците на Буча покажуваат невидено и тешко опишливо страдање на цивилното население кое се најде сред тешките борби меѓу напаѓачите и и бранителите. Сликите од убиените мртви цивили на улиците, некои со заврзани раце на грбот, како и масовните гробници ја шокираа светската јавност и ги зголемија повиците на нови санкции против Русија.
Еве како изгледа Буча, град северозападно од Киев, откако руските сили беа приморани да го напуштат.