Утврдени законски измени за бришење на одредбата за 30-процентно зголемување на платите во Министерството за финансии

Владата на денешната седница го утврди текстот на Предлогот на Законот за изменување на Законот за буџети.

-Предложените законски измени се во насока на бришење на одредбата за зголемување на платите на вработените во Министерството за финансии за 30 проценти поради, како што е објаснето од страна на Министерството за финансии, неколку причини: неможност од утврдување на специфичноста на работните задачи и посебната одговорност која произлегува од работното место со цел допрецизирање на законот за буџети и имајќи предвид дека Законот за системот на плати во јавниот сектор е во постапка на донесување, информираат од владината прес служба.