Утрово, нови дојави за бомби во 15 училиштата во Скопје
Утрово, повторно пристигнале закани за поставени бомби во училиштата во Скопје.
Според ученици од гимназијата „Орце Николов“, по примената дојава за поставена бомба во просториите на учулиштето, учениците и вработените се евакуираат. Дојава има и во „Владо Тасевски“.
На местото се припадници на антитерористичката единица кои со детектори и со кучиња ја пребаруваат зградата.
– Денеска (14.12.2022) околу 08.30 часот во СВР Скопје било пријавено дека на електронските адреси на 15 училишта во Скопје е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите – велат од полицијата.
Мината недела, покрај дојавите за бомби во училиштата, имаше дојави и за неколку трговски центри, државни институции, станбени згради и Транспортниот центар.
Неделно по две до три дојави за бомби се испраќаат на адресите на училиштата и институциите веќе три месеци.