Утре и в четврток топло, во попладневните часови нестабилно со услови за дожд и грмежи
Утре и в четврток ќе се задржи топло време, но во попладневните часови на повеќе места ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со засилен до силен ветер и појава на град.
Како што соопшти УХМР, и во Скопската котлина ќе има појава на нестабилна облачност со пороен дожд, грмежи, засилен ветер и услови за појава на краткотрајно невреме.
Во случај на појава на електрични празнења се препорачува поголема внимателност, да не се престојува на отворен простор и под осамени дрвја, наведуваат од УХМР.