Уште еден автомобилски гигант инвестира во батерии за електрични возила

„Порше“ планира да изгради фабрика за батерии во Ројтлинг, на југот на Германија, објави во петокот партнерот на германскиот производител на спортски автомобили за батерии Celfors. Локацијата е избрана поради поволната положба и близината на партнерите во развојот и индустриското производство на батерии, посочуваат од компанијата.
„Физичката близина до што е можно повеќе партнери во проектот е клучен услов за нашиот брз успех“, рече бизнис директорот на Celfors Group, Маркус Граф.
Фабриката треба да има капацитет од 100 мегават часови годишно, што, според претходните најави, треба да биде доволно за илјада автомобили, а производството треба да започне во 2024 година.
„Порше“ веќе најави дека планира да произведува батерии, но се чека одлука за локацијата на фабриката.
Фабриката ќе добие субвенции во вкупен износ од 60 милиони евра, при што две третини од парите ќе бидат од сојузната каса, а остатокот од буџетот на сојузната покраина Баден-Виртемберг.
Порше има 72,7 отсто од акциите во групацијата „Селфорс“, а остатокот го држи Customomels, компанија на Институтот Фраунхофер. Германскиот хемиски концерн BASF, исто така, учествуваше во развојот на батериски ќелии, пишува ДПА.