Уништен конзулатот на Словенија во Харков
Конзулатот на Словенија е уништен во денешниот ракетен напад на руските сили на Плоштадот Слобода во Харков, објави на Твитер шефот на делегацијата на Европската унија во Украина, Мати Масикас.
– Како колатерална дипломатска штета е уништен и словенечкиот конзулат во Харков“, напиша Масикас, заедно со видеото на кое се гледа како проектил ја погодува зградата.
Советникот на Министерството за внатрешни работи на Украина, Антон Херашченко претходно денеска изјави дека најмалку 10 лица загинале, а 35 се повредени во денешните ракетни напади на руските сили врз центарот на Харков, вториот по големина град во Украина.
Žal smo bili obveščeni, da je bil v enem izmed vojaških napadov na mesto Harkov uničen tudi konzulat Republike Slovenije 🇸🇮 v Ukrajini 🇺🇦. Obsojamo to nezaslišno dejanje Ruske federacije in agresijo nad Ukrajino.
#WeStandWithUkraine pic.twitter.com/ncSlXIPOFE— MFA Slovenia (@MZZRS) March 1, 2022