УНЕСКО: Повеќе од 150 објекти од културата во Украина делумно или целосно уништени

Над 150 објекти од културата се делумно или целосно уништени за време на речиси четиримесечната војна во Украина, соопшти денеска Организацијата за наука, образование и култура на Обединетите нации (УНЕСКО).

„Во борбите делумно или целосно се уништени 152 културни објекти, вклучувајќи 70 верски објекти, 30 историски објекти, 18 културни центри, 15 споменици, 12 музеи и седум библиотеки“, се наведува во соопштението на УНЕСКО.

Три четвртини од овие уништени објекти се наоѓаат во три украински региони – Доњецк, Харков и Киев.

Увидот од терен го извршија експерти на УНЕСКО.