Украинците објавија снимка од уништувањето на еден од најмодерните руски хеликоптери

Воздухопловните сили на Украина објавија спектакуларна снимка од уништување на руски хеликоптер на исток на Украина.

Како што наведоа единиците на Днепарската противавионска бригада, тие успеале да го соборат хеликоптерот „Ka-52 алигатор“. Хеликоптерот е урнат во неделата околу 14 часот.

Според податоците на „Орикс“, специјализираната страница која визуелни ги следи потврдените загуби на двете страни во војната во Украина, досега се уништени дури 28 руски хеликоптери од истиот тип.

Цената на овој хеликоптер е околу 15 милиони долари по примерок, што значи дека загубата само во овие хеликоптери изнесува 420 милиони долари. „Алигатор“ е напаѓачки хеликоптер, еден од најмодерните во руската воздушна флота.