Украина погоди ракетен систем на руска територија со западно оружје

Украинските сили во понеделникот тврдеа дека успешно го погодиле рускиот ракетен систем „С-300“ на руска територија користејќи оружје доставено од Запад.

„Прекрасно гори. Тоа е руски ‘С-300’. На руска територија. Првите денови по дозволата да се користи западно оружје на непријателска територија“, објави украинската владина министерка Ирина Верешчук на Фејсбук заедно со слика која наводно го прикажува нападот.

Ова доаѓа само неколку дена откако американскиот претседател Џо Бајден ѝ даде дозвола на Украина да изврши ограничени напади користејќи американско оружје на руска територија околу Харков, откако неколку европски држави ги укинаа ограничувањата за тоа како оружјето може да се користи.

Не е јасно дали оружјето употребено во нападот опишано од Верешчук било испорачано од САД.

Украина со месеци го молеше Вашингтон да му дозволи да напаѓа цели на руска територија со американско оружје, додека Москва започна брутален воздушен и копнен напад врз Харков, безбедна знаејќи дека нејзините војници би можеле да се повлечат назад на руска територија за да се регрупираат а нејзиното оружје и магацините не можеа да бидат цел на западно оружје.

Дозволата дадена од САД беше и револуционерна и смела, но пробна и многу условена. Украина може да погоди само цели околу Харков, а САД стојат цврсто во тоа да не ѝ дозволат на Украина да ја користи најстрашната муниција што и е дадена за да пука во Русија: ракетите со долг дострел познати како ATACMS кои можат да погодат цели на 300 километри подалеку.

Наместо тоа, Украина може да користи само ракети со помал дострел познати како ГМЛРС, кои имаат дострел од околу 70 километри.

Од таа причина, воените аналитичари ја пофалија одлуката, но ги ублажија очекувањата. Франц-Стефан Гади, соработник на Меѓународниот институт за стратешки студии, изјави за Си-Ен-Ен дека прекуграничните напади на ГМЛРС ќе и овозможат на Украина „да погоди некои руски места за поставување, командни и контролни центри, како и складишта за снабдување. Тоа нема да ги запре, туку ќе ги комплицира руските воени операции против Хархив“.

Матие Булег, консултант во Четам Хаус со седиште во Велика Британија, изјави за Си-Ен-Ен дека промената на политиката „не ја менува играта, сама по себе. Тоа е додаток, стероид, дополнителен засилувач за Украина да се брани“.