Украина креирала мрежа на диверзанти во Русија, објави Си-Ен-Ен
Најверојатно дека и нападот на Кремљ со дрон бил извршен од такви агенти од руска територија
Украина креираше мрежа од агенти во Русија кои вршат саботажа на територијата на Руската Федерација и им обезбедува беспилотни летала за да организираат напади, пренесува Си-Ен-Ен, повикувајќи се на извори запознаени со податоци на американските разузнавачки служби. Според американски официјални лица, овие агенти стојат зад нападот со дрон врз Кремљ, кој наводно бил лансиран од руска територија. Останува нејасно дали овие агенти биле вмешани во нападот со дронови врз Москва на 30 мај.
Соговорниците на Си-Ен-Ен тврдат дека „диверзантските ќелии“ во Русија се составени од проукраински активисти и „оперативци обучени за ваков тип на војување“. Украина им обезбеди дронови од украинско производство. Двајца американски официјални лица изјавија дека нема докази дека било какви напади биле извршени со помош на беспилотни летала обезбедени од САД.
Соговорниците на Си-Ен-Ен не ги знаат точните рути на испорака на беспилотните летала, но рекоа дека Киев има ефективни рути за шверц преку кои може да се префрлат дронови или нивни компоненти на руска територија.
Претставник на европското разузнавање ја забележал должината на руско-украинската граница, што ја отежнува контролата. Ова ја прави погодна за шверц на товар. „Исто така, треба да разберете дека тоа се области на периферијата на Русија. Опстанокот таму е проблем за сите, па готовината прави чуда“, изјавил изворот за Си-Ен-Ен.
Кој точно ги контролира агентите не е точно познато. Извори на Си-Ен-Ен веруваат дека со нив може да се поврзани луѓе од украинското разузнавање. Двајца соговорници на телевизијат објаснија дека украинскиот претседател Володимир Зеленски поставил „општи параметри“ за тоа што можат да направат украинските разузнавачки и безбедносни служби, но не за секоја операција е потребно одобрение од шефот на државата.
Извор запознаен со податоците на американското разузнавање го нарече нападот со беспилотно летало врз Кремљ „кулминација на повеќемесечните напори“ на Украинците да изградат инфраструктура за такво пренасочување.
Си-Ен-Ен забележува дека високи американски функционери јавно ги осудија нападите во Русија, предупредувајќи на потенцијална ескалација на војната. Меѓутоа, приватно зборувајќи за Си-Ен-Ен, американските и западните официјални лица рекоа дека веруваат оти нападот надвор од украинската територија е претпазлива воена стратегија која може да ги пренасочи ресурсите на Русија кон одбрана на сопствената територија, со оглед на подготовките на Украина за контраофанзива.
Според еден од соговорниците на Си-Ен-Ен, властите во Киев приватно велат дека планираат да продолжат со нападите во Русија, како ефикасна тактика за одвлекување на вниманието што ги тера руските власти да се грижат за домашната безбедност.