Украдена ташна со 11.000 евра во гаражата на „Скопје сити мол“


Скопјанец пријавил во полиција дека бил ограбен во подземните гаражи на „Скопје сити мол“, односно насила му одзеле ташна со 11.000 евра и други валути.

Според полицискиот билтен, во вторникот, во 15 часот во Полициската станица Карпош, К.К.(30) од Скопје пријавил дека во периодот од 10.20 до 11 часот во подрумските гаражи во Трговскиот центар „Сити Мол“ непознат сторител извршил тешка кражба во неговото возило „фолксваген пасат“.

Според пријавеното, сторителот со употреба на сила му одзел чанта со 11.000 евра и други валути.

Се преземаат мерки за пронаоѓање на сторителот и за расчистување на случајот.