Украдена облека на „Балман“ пред ревијата на Париската модна недела

Париз- Француската модна куќа „Балман“ изгубила десетици парчиња облека што требаше да бидат претставени на Париската модна недела подоцна овој месец, откако камионот со кој биле превезувани бил киднапиран, изјави нејзиниот креативен директор Оливие Рустенг. Тој на Инстаграм напиша дека камионот со 50-ина парчиња од новата колекција на „Балман“ бил украден додека се движел од еден париски аеродром кон седиштето на модната куќа во Париз.

„Балман“ треба да ја презентира својата колекција пролет-лето 2024 на 27 септември. Портпаролот на „Балман“ изјави дека париската ревија нема да биде откажана, одбивајќи да коментира за грабежот, бидејќи истрагата е во тек.

Рустенг  стана креативен директор на Balmain во 2011 година, кога имаше само 24 години. Оттогаш има многу успешна кариера. Оваа година беше откриен еден од неговите најголеми проекти до сега, колекцијата за соработка со неговата муза Бијонсе за да создаде изглед за секоја песна од нејзиниот албум „Ренесанса“ награден со Греми. Тој, исто така, креираше изгледи за светската турнеја објавувајќи ги облеките на неговиот Инстаграм со натпис: „Оваа турнеја е револуција, ви благодариме што нè поддржувате и ги донесете сите креативци низ вашето прекрасно патување низ светот. Оваа турнеја е икона, вашата визија е подалеку. Те сакам @beyonce.”