Угостителските услуги во април поскапи за 12,3 проценти од истиот месец лани

Според податоците на Државниот завод за статистика, цените на угостителските услуги во април во споредба со март годинава се зголемени за 2,6 отсто.

Споредено по групи на услуги, зголемување е забележано во групите Храна за 3 отсто, Алкохолни пијалаци за 1,6 отсто, Безалкохолни пијалаци за 2,8 отсто и Ноќевања за 1,5 отсто.

Во одонс на април лани, пак, цените на угостителските услуги се повисоки за 12,3 отсто.

Кумулативниот индекс на цените на угостителските услуги за периодот јануари – април 2023 година, во однос на истиот период од минатата година, е зголемен за 13,5 отсто, додека во однос на декември 2022 година, е поголем за 1,6 отсто.