УЕФА Конференциска лига: Извлечени двојките за пласман во плејофот

Во седиштето на УЕФА во Нион попладнево се одржа жрепката за пласман во плејофот во третото по ранг европско клупско натпреварување, Лигата на конференции.

Плејоф двојките се: Олимпик Марсеј – Карабах, ПСВ – Макаби Тел Авив, Фенербахче – Славија Прага, Митјиланд – ПАОК, Лестер – Рандерс, Селтик – Бодо/Глимт, Спарта Прага – Партизан и Рапид – Витесе.

Првите натпревари ќе се одиграат на 17 февруари, додека реваншите се на програмата една седмица подоцна. Осминафиналните натпревари се закажани за 10 и 17 март, додека финалето е на 25 мај во Тирана.