Туск пред парламентарна комисија во Полска одговара поради затајување данок


Претседателот на Советот на Европа Доналд Туск одговара пред комисија во родната Полска која истражува големи случаи на затајување данок во времето кога бил премиер на земјата.

Сослушувањето на Туск се смета за обид на владејачката Партија на законот и правдата да го дискредитира, коментираат светските агенции и додаваат дека владејачката партија, која е најголем ривал на Туск, се обидува да ги зацврсти позициите пред парламентарните избори на есен.

Членовите на комисијата го прашале Туск зошто неговата влада од 2007 до 2014 година не ги запрела илегалните акции на приватните претприемачи, кои предизвикале големи загуби во државниот буџет.

Претходно друга комисија го испрашуваше Туск за авионската несреќа во 2010 година во која загина тогашниот претседател Лех Качински, братот близнак на лидерот на Партијата на законот и правдата, Јарослав Качински.