Турција откри големо наоѓалиште на злато

Турција– Турција откри големо наоѓалиште на злато со околу 3,5 милиони унци (99 тони) на благородниот метал, проценет на околу шест милијарди долари, објави денеска државната новинска агенција Анадолија.

Откритието во близина на западниот град Согут го објави Фахретин Појраз, кој е на чело на Земјоделските кредитни задруги на Турција и фирмата за производство на ѓубрива „Губретас“.

– Станува збор за вредност близу шест милијарди долари, изјави Појраз за Анадолија.

Тој истакна дека „во рок од две години ќе биде извлечено првото злато и ќе придонесе за зајакнување на турската економија. Акциите на Губретас се зголемија за речиси 10 проценти на берзата во Истанбул“.

Министерот за енергетика и природни ресурси Фатих Донмез во септември рече дека Турција минатата година собори рекорд, произведувајќи 38 тони злато.

– Наша цел за следните пет години е да достигнеме годишно производство на 100 тони злато, нагласи Донмез.