Трет ден Вардариште ги труе скопјани: Кандидатите за градоначалници со (не)возможни решенија – граѓаните на протест
Трето утро по ред, жителите на Ново Лисиче, Лисиче и околината се будат под облак од чад кој доаѓа од депонијата Вардариште.
Смрдеа низ населбата се ширеше и ноќеска, а граѓаните спиеја со затворени прозорци. Но, ни утрово не беше баш паметно да се отворат, затоа што облак чад се ширеше од Вардариште.
На неколку групи на фејсбук граѓани споделуваат видеа и фотографии од секојдневната состојба.
Се договараат протести, кои вчера срамежливо почнаа. Попладнето, кај мостот „Киро Глигоров“ се собраа стотина граѓани кои го изразија својот револт што со години наназад никој не се обиде да го реши проблемот со загадениот воздух во овој дел на Скопје, каде дополнително Вардариште придонесува со огромен процент. Изговорите дека нема надлежност Општина Аеродром, а таа локација е на територија на Општина Гази Баба, а под надлежност на Град Скопје, воопшто нема никакво значење за жителите на населбата, затоа што тие секојдневно вдишуваат отровни и смрдливи гасови.
Денеска повторно се повикува на протест на истото место, на крстосницата на булеварите АСНОМ и „Србија“, за да се покаже на политичарите пред локалните избори закажани за октомври, дека огромен дел од оние на чии гласови сметаат, едноставно не се подготвени да го дадат својот глас за некој кандидат за градоначалник, доколку не се понуди брзо, но и трајно решение за проблемот кој стои повеќе од три децении.
Деновиве повторно на Вардариште се собраа тројца актуелни градоначалници. Бобан Стефковски, градоначалникот на Општина Гази Баба, кој ќе трча и по втор мандат вчера објави дека е на Вардариште заедно со инспекција и претставници од Јавното обвинителство, но тоа беше пречка Вардариште да ја труе населбата и синоќа и утрово.
На ова место ќе никне еден од најголемите паркови во Скопје, зелена оаза и новите бели дробови на нашиот град од на 300.000m2“, ветуваше Ѓорѓиевски на 1 септември, ден откако половина Аеродром остана без струја, поради пожар на Вардариште.
Вардариште не може да биде парк, од неколку јасни причини:
Во тек е арбитражна постапка во Париз за проектот „Скопски колектор“ што минува токму низ Вардариште и пренамена е невозможна. Уште во 2017 година, со поддршка од ЕУ, изработена е документација која предвидува претоварна станица, а не парк. И во моментов тече јавна набавка за целиот регионален систем за управување со отпад, секоја политичка интервенција е штетна, незаконска и опасна“, додаде Шукова, која вчера, исто така, одржа прес-конференција од Вардариште.