Трет ден потрага по малата Данка во Србија – полицијата ја смени тактиката

Трет ден од потрагата по малата Данка, двегодишното девојче кое исчезна во вторникот околу 13 часот и 45 минути во приградската населба Бањско Поље, во близина на градот Бор, во источна централна Србија.

Данка во моментот на исчезнувањето носела виолетови панталони и маслинесто зелена јакна. Мајката раскажала како Данка исчезнала од дворот на семејната куќа додека одела да му даде вода на постарото дете. Родителите биле сослушани во полиција, а на мајката и бил одземен мобилниот телефон.

Полицијата вчера околу 17:30 часот го прекина пребарувањето на теренот. „Сите досегашни резултати укажуваат дека девојчето не е на овој простор од околу 10 квадратни километри“, соопшти полицијата. Српските медиуми јавуваат дека полицијата сега има нова трага, која истрагата ја води подалеку од местото на исчезнувањето. 

Министерството за внатрешни работи на Србија испрати апел
По повод исчезнувањето на двегодишното девојче Данка Илиќ во Бањско поле, Министерството за внатрешни работи на Србија апелира до медиумите да не објавуваат непроверени и неточни информации бидејќи со тоа се загрозува истрагата чија цел е да се открие девојката во најбрз можен рок, соопшти во четвртокот МВР.

„Безбедноста и пронаоѓањето на девојчето е апсолутен приоритет кој е над сите други интереси“, се вели во соопштението.

Се додава дека припадниците на полицијата интензивно работат на пронаоѓање на малата Данка, како и на утврдување на сите факти и околности поврзани со нејзиното исчезнување.

Спасувачот кој учествуваше во потрагата 20 часа: Теренот е тежок за пребарување, испративме кучиња
На РТС гостуваше спасителот Дејан Шевковиќ од Планинарската спасувачка служба на Србија. Тој зборуваше за потрагата по малата Данка во која учествуваше повеќе од 20 часа.

„Можеме да кажеме дека голем дел е претресен, но секогаш има пет до десет проценти веројатност, поради што не можеме да потврдиме дека детето го нема“, вели Шевковиќ.

Шевковиќ во утринската програма на РТС рече дека теренот бил тежок за пребарување бидејќи има грмушки и густа вегетација и многу места каде што физички е невозможно да се помине, па испратиле кучиња на тие места. Кучињата, објасни тој, лаат по личноста што ја пронашле додека не пристигне човек на локацијата, но тоа не се случило вчера.

„Многу е важно мештаните да го следат текот на потрагата во овие ситуации и да чекаат инструкции од водачот на потрагата која е нивната задача тој ден на терен“, рече Шевковиќ.

Што кажа за медиумите мајката на Данка
Мајката на Данка, Ивана Илиќ, која изјави дека двегодишното девојче исчезнало додека му давала вода на синот, за српските медиуми даде повеќе информации.

„Живееме во Бор. Ги донесов да трчаат наоколу и да се прошетаат. Моите родители се од тука и често сум престојувала таму како дете“, изјавила мајката на Данка, Ивана Илиќ.

„Кога се свртев, ја немаше. Уште нема две години, во мај месец ќе наполни две години. Уште не зборува. Викав по неа, но не ми одговори. Има шима во близина. Му се молам на Бога  што побрзо да ја најдеме“.

Неточна е информацијата дека девојчето е пронајдено
Продолжувањето на потрагата се врши на оперативен начин кој не вклучува теренска потрага, констатирано е дека девојчето не се наоѓа на површина од 10 квадратни километри од местото на исчезнувањето. Полицијата ќе испрашува и лица кои биле во близина непосредно пред или по исчезнувањето на девојчето за да се утврдат детали кои потенцијално биле пропуштени во претходниот дел од истрагата, јавува репортерот на Танјуг.

Тој наведува и дека во текот на ноќта се појавиле информации дека е пронајдена Данка Илиќ, која се покажала како неточна.

Сите кои биле во непосредна близина на Данка Илиќ се предмет на истрага, што не значи дека се сметаат за виновни.

Полицијата има нова насока во истрагата
Според Блиц, полицијата има нова линија на истрага врз основа на три елементи.

Првото е вештачењето на мобилниот телефон на мајката на Ивана Илиќ. Полицијата вчера ѝ го одзеде мобилниот телефон и го испрати на вештачење во рамки на пошироката истрага за сите контакти на семејството на исчезнатата Данка Илиќ и нивните врски. Податоците од телефонот на мајката на Данка може да укажуваат на нови детали или личности од значење за случајот, тоа не значи дека родителите се осомничени за какво било кривично дело.

Вториот елемент е анализата на податоците од базните станици. Се врши детална проверка на податоците од базните станици на мобилни телефони во месноста Бањско поле за да се утврди движењето на сите лица кои во вторникот околу 13 часот и 45 минути биле во близина на местото каде исчезна Данка.

Третиот елемент е проверка на деталите за исчезнатата Данка. Се проверуваат приватниот живот и контактите на сите членови на семејството. Повторно се чешлаат нивните изјави, како и деталите од пријавата на мајката на Данка за исчезнувањето на детето – времето на кобниот настан, каде отишле пред исчезнувањето, а каде отишла мајката по исчезнувањето.

Свртувањето на истрагата во оваа насока е едноставно резултат на тоа што девојчрто не беше пронајдено при детален претрес на месноста Бањско поле, каде што исчезна. Засега нема информации за наводната нова трага, која, според српските медиуми, ја водела истрагата подалеку од местото на исчезнувањето.

Веќе не се пребарува теренот кај Бор
Потрагата по исчезнатото двегодишно девојче Данка Илиќ влезе во трет ден.

Припадниците на МВР, по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите резултати се далеку укажуваат дека девојчето не е пронајдено на овој простор од околу 10 метри квадратни, соопшти МВР на Србија.