Трајче Пеливанов и Наташа Сарамандова избрани за виши обвинители
Советот на јавни обвинители избра двајца обвинители за скопското вишо обвинителство.
Во трка за двете места беа 16 кандидати, а довербата од членовите на советот ја добија поранешниот обвинител на СЈО, Трајче Пеливанов и обвинителката Наташа Сарамандова.
Пред гласањето, дел од членовите на советот истакнаа дека сите од пријавените заслужувале да добијат унапредување во Вишото обвинителство, и само нијанси од нивните досегашни кариери ќе бидат одлучувачки при изборот.
На денешната седница беа донесени и одлуки да се распишат огласи за избор на обвинители во Државното и обвинителството за гонење на организиран криминал и корупција.
На денешната седница присутна е и в.д обвинителката на Републичкото обвинителство, Соња Симовска.