Трајанов: Претседателот да не го потпишува законот за легализација на дивоградбите
Демократскиот сојуз не го поддржува Законот за добивање правен статус на бесправно изградени објекти.Од партијата бараат претседателот Стево Пендаровски да не го потпишува законот, со што ќе се спречи беззаконието во државата, како и привилегирањето на оние кои ги кршат законите и се директно одговорни за градежниот хаос.
Според нив, чесните граѓани подготвуваат проекти, бараат дозволи за градба, плаќаат комуналии и ги почитуваат сите прописи, додека оние што градат бесправно и узурпираат земјиште, диво се приклучуваат на водоводните мрежи, електричната енергија, ги кршат сообраќајните решенија и слично, не смеат да бидат и натаму мотивирани и лош пример за во иднина.
Демократскиот сојуз има разбирање за социјалните аспекти, но никако не се за градежен хаос и легализација на хациенди, деловни објекти, куќи со базени итн“, додаваат оттаму.