Трагедија го потресе Холивуд – почина 13-годишната ќерка на славниот глумец Чад Лоу

Фиона Лоу, ќерка на актерот Чед Лоу и неговата сопруга Ким Пеинтер, почина на 13-годишна возраст. Според полициски извори, таа починала во вторник во семејниот дом, а службите за итни случаи добиле повик кратко по полноќ, објавува TMZ. „Нашите срца се скршени поради загубата на нашата сакана Фиона“, се вели во соопштението на семејството.

Тие ја опишаа како паметно, креативно и слатко девојче кое обожаваше да танцува. Тие забележаа дека нејзините сестри ја обожавале, а нејзините родители ја сакале неизмерно. „Таа беше светлината на нашите животи“, додадоа тие.

Семејството изјави дека е длабоко потресено од нејзината смрт и побара молитви од јавноста и да ја почитува нејзината приватност додека минуваат низ овој тежок период.

Семејството остана без дом минатата година

Трагедијата го погоди семејството по уште еден исклучително тежок период. Чед минатата година откри дека нивниот дом во Пацифик Палисејдс бил целосно уништен во пожар.

Подоцна на социјалните мрежи ги сподели моментите во кои Фиона и нејзините сестри се вратиле во изгорената куќа каде што пораснале.

Чад Лоу, братот на актерот Роб Лоу, освои награда „Еми“ во 1993 година за телевизиската серија „Life Goes On“, а се појави и во други проекти, меѓу кои „Pretty Little Liars“ и „Supergirl“.

Тој и Пеинтер се исто така родители на ќерките Мејбел (17) и Никси (10).