Топлото време сепак нема да го спречи ширењето на корона вирусот
Топлото време веројатно нема во голема мера да го спречи ширењето на корона вирусот, покажуваат резултатите од канадските истражувачи за ширењето на ковид-19 во светот.
Тие го испитувале ширењето на вирусот кон крајот на март на места со различна влажност на воздухот, различни рестриктивни мерки и различна географска ширина.
Професорот Питер Џун од Универзитетот во торонто рече деканеговиот тим утврдил оти постојат мали или никакви врски межу ширењето на инфекцијата и температурата или географската ширина, како и само слаба поврзаност со влажноста на воздухот, пишува „Индепендент“.
„Спроведовме прелиминарна студија која укажува дека ширината и температурата може да имаат извесна улога. Но, кога ја повторивме студијата во многу поригорозни услови, добивме спротивни резултати“, вели тој.
За разлика од тоа, затворањето на училиштата и другите мерки за заштита на здравјето се многу поефикасни во сузбивањето на корона вирусот, додава тој.
„Годишните времиња веројатно ќе играат мала улога во епидемиологијата на ковид-19“, се заклучува во студијата која опфати 144 региони ширум светот.