Тони Михајловски ја напушта Македонија


Македонскиот актер Тони Михајловски на својот профил на Фејсбук објави статус во кој ја откри својата желба.

„На 54 години првпат ми дојде желба да си заминам, да ја напуштам Македонија. И најверојатно ќе си ја исполнам таа желба“, напишал Михајловски на Фејсбук.

Неговата објава предизвика лавина коментари и за само два часа од објавата привлече 1,1 илјади лајкови. Додека некои изразија разбирање за неговата одлука, други се прашуваат што се случило и од каде ваква одлука…

„БЕГАЊЕТО НЕ Е РЕШЕНИЕ ВО ЖИВОТОТ. НО СЕПАК СЕКОЈ СИ ЗНАЕ НАЈДОБРО ШТО САКА ОД СВОЈОТ ЖИВОТ И ШТО Е НАЈУБАВО ЗА НЕГО“, БЕШЕ ЕДЕН ОД КОМЕНТАРИТЕ НА ШТО ТОНИ ОДГОВОРИ „НЕМА ДА БЕГАМ. ЌЕ СИ ЗАМИНАМ ОД ОВАА НЕБИДНИНА“.

Михајловски, кој е поранешен член на Извршниот комитет на ВМРО-ДПМНЕ, беше кандидат за градоначалник за родното Куманово од таа партија на последните локални избори, годинава.