Тинејџерите од „Дајте музика“ ќе пеат претпоследни на јуниорскиот Евросонг во Париз
Франција– Во Париз вчера беше извлечен редоследот по кој ќе пеат земјите-учеснички на годинашниот јуниорскиот Евросонг. На фестивалот што ќе се одржи на 19 декември (недела), Македонија ќе настапи претпоследна, осумнаесетта.
Фестивалот ќе го отвори Германија, а последна ќе пее претставничката на Полска. На годинашниот Јуниор Евросонг ќе се натпреваруваат 19 земји.
Македонија ќе ја претставуваат децата од „Дајте музика“ со песната Green Forces, на Роберт Билбилов и Робин Зимбаков.
„Ова е единственото место кое го нарекуваме дома мора да сфатиме дека постапуваме погрешно“ – можеби звучи како заклучок од неодамнешната конференција за климатски промени COP26, но всушност ова се стиховите од песната која ќе ја претставува Македонија на Детскиот избор за песна на Евровизија 2021 во Париз
Четворица тинејџери од актерската екипа на проектот „Дајте музика“ која е составена од речиси 40 талентирани деца, беа избрани од страна на Македонската радио телевизија да ја претставуваат нашата земја во Париз. Два водечки и два пратечки вокали ќе го кренат гласот за заштита на животната средина и со здружени силипод зеленото знаме, ќе пеат за злото кое ѝ е нанесено на планетата Земја со глобалното затоплување. Песната се пее на македонски јазик, само рефренот е на англиски јазик.
Заштитата на животната средина е тема која е често споменувана во серијалот. Во 2019 година, песната „Има ли воздух“ изведена од Филип Поповски се искачи на врвот на топ листите на популарното македонско радио „Бубамара“. Актерската екипа имаше спектакуларен настап, борејќи се за водух, при доделувањето на освоената најпрестижната национална награда „Златна бубамара на популарноста за најпознато шоу во 2019 година“.
„Ние не можеме да ги решиме проблемите со загадувањето, но секој од нас МОЖЕ да направи огромна разлика!Потребни сме ѝ на нашата планета!“ –велат изведувачите Анастасија, Филип, Кики и Миха во нивниот блог за песната.Свесни дека не можат да ја поправат штетата што ѝ е нанесена на природата, целта на GREEN FORCES е да поттикнат што е можно повеќе деца, да го согледаат наследството и да почнат да се однесуваат одговoрно кон единственото место кое 7.9 милијарди луѓе нарекуваат дом.
„Дајте музика“ е партнерски проект на Македонската радио телевизија и Рифенштал продукција. Од октомври 2019 година, шоуто има повеќе од 32 милиони прегледи на својот You Tube канал.
Видео записот GREEN FORCES го изработи продукцијата Вертиго Вижуалс .