„Тесла“ времено го запре производството на „Модел 3“ во Калифорнија

САН ФРАНЦИСКО – „Тесла“ ги извести работниците дека привремено ќе прекине дел од производството во фабриката за монтажа на автомобили во Калифорнија, објави денес Блумберг повикувајќи се на неименуван извор запознат со оваа работа.
На работниците од производната линија „Модел 3“ во Фремонт им беше кажано дека нивната линија нема да работи од 22 февруари до 7 март, наведува агенцијата, пренесе Ројтерс.

Британската агенција забележува дека во информацијата не се наведуваат причините за прекин на производството и дека не е можно веднаш да се добие коментар од „Тесла“.

Исто така, не е јасно колкав обем или приход ќе изгуби „Тесла“ поради исклучувањето на фабриката во Фримонт, која има годишен производствен капацитет од 500.000 парчиња „Модел 3“ и „Модел Y“ заедно.

Тесла минатиот месец објави дека се соочува со привремено негативно влијание врз производството поради глобален недостиг на полупроводници.

Неколку производители на автомобили, вклучувајќи ги „Џенерал моторс“, „Фолксваген“ и „Форд мотор“, исто така беа погодени од недостиг на чипови, принудувајќи ги да го намалат производството.