„Тесла“ се соочува со тужба од инвеститори поради твитовите на Маск

Компанијата „Тесла“ (Tesla Inc) е тужена поради објавите на социјалните мрежи на извршниот директор Илон Маск, вклучително и неговата анкета на Твитер за продажба на дел од неговиот удел, што ги намали цените на акциите на производителот на електрични автомобили.

Инвеститорот во „Тесла“, Дејвид Вагнер, побара пристап до внатрешните документи за да се испита дали „Тесла“ и Маск го прекршиле договорот со американскиот регулатор за хартии од вредност и дали членовите на одборот не се придржувале до нивните должности.

Имено, во 2018 година, Маск по тужбата од американската Комисија за хартии од вредност во врска со неговиот твит за преземање на компанијата, согласувајќи се адвокатите на „Тесла“ однапред да одобрат твитови со материјални информации за компанијата.

Акциите на „Тесла“, кои лебдеа блиску до рекордни износи, ја загубија својата вредност за околу една четвртина откако Маск на 6 ноември рече дека ќе продаде 10 отсто од својот удел доколку корисниците на Твитер се согласат. Оттогаш тој продаде акции во вредност од речиси 14 милијарди долари.

Тужбата, поднесена до Судот во Делавер во четвртокот, бара да се добијат записи и книги поврзани со неговите твитови, вклучително и документи за да се идентификува дали твитовите за продажба на акции биле прегледани или однапред одобрени.

Во март, друг акционер го тужеше Маск и неговиот одбор, обвинувајќи го дека го прекршил договорот со КХВ од 2018 година и ги изложил акционерите на загуби од милијарди долари.