„Тесла“ ја надмина „Тојота“, повредна и од „Дизни“ и „Кока Кола“

The logo marks the showroom and service center for the US automotive and energy company Tesla in Amsterdam on October 23, 2019. (Photo by JOHN THYS / AFP) (Photo by JOHN THYS/AFP via Getty Images)
Пазарната вредност на „Тесла“ сега е околу 184 милијарди американски долари, што е за 4,3 милијарди повеќе од „Тојота“
„Тeсла“, компанијата за производство на автомобили на Илон Мaск, се искачи на врвот на листата на највредните производители во 2020 година.
Според пазарната вредност, таа ја надмина „Тојота“ и стана највредниот производител на автомобили во светот. „Тојота“ е на второто место, додека „Тесла“ е повеќе од двојно повредна од „Фолксваген“.
Најновите податоци покажуваат дека Илон Маск повторно го зазеде врвот. Пазарната вредност на „Тесла“ сега е околу 184 милијарди американски долари, што е за 4,3 милијарди повеќе од „Тојота“.
„Тесла“ исто така е повредна од „Кока-Кола“, „Дизни“, „Циско, „Мерк“ и „Ексон Мобил“.
Во изминатата година, акциите на „Тесла“ пораснаа за речиси 350 проценти, достигнувајќи проценета вредност седум пати поголема отколку во исто време минатата година. Многумина сè уште сметаат дека компанијата на Маск е преценета, со оглед на количината автомобили испорачани во светот.
Многумина сметаат дека „Тесла“ е технолошка, а не автомобилска компанија. Во изминатите 12 месеци, заклучно со 31 март 2020 година, „Тесла“ испорача нешто помалку од 400.000 електрични возила во светот.Сега на берзата во Њујорк има само 19 компании кои се повредни од „Тесла“.